لسه عايش عالبواقى
وفاء شعبان
لسه عايش عالبواقى
توب مقطع فقر باقى
ضحكة تايهة جوا دمعة
عاتمة باينة ف ضل شمعة
كل حاجة نفسي فيها
كان تمنها اشتياقى
لسه بنحت فى الصخور
كل زرعى فى ارض بور
كل مرة فيها بوصل
بترمى اخر الطابور
حتى حلمى مش محصل
ضى واحد وسط نور
كل فرحة منى ضايعه
والفشل سر اختفائى
كل ما ارسم بس ضحكة
ألقى الدمع لعينى ساقى
لسه حضن الحلم نفسه
قاسي رافض احتوائى
حتى قلمى الحزن قصفه
خطه اصبح انطوائى
لسه اغلى حاجة فيا
عزة نفسي و كبريائى
