وليد عبد الصمد
عشرين عام مرقو كأنن مبارح
وانا فيهن متل الطير سارح
عندن ربيت عالتسامح والمحبة
ومنن تعلمت كون صقر جارح
بجيشنا الأبي قلمي حملت سلاح
وبمدرسة الرجولة صيروني رماح
هونيك الكرامة والشرف هني الاساس
وبنهر البطولة بيقولو للدم سباح
عشرين عام وهالبدلة على كتافي
بالتضحية تعلمت نوم العين جافي
والوفا عهد عليي العمر يبقى
صون القسم اللي حلفت ولو حافي
اليوم وبعد ما خلصت واجباتي
تجاه الوطن والجيش وكل رفقاتي
بطلع عالحياة بفخر وروح جديدة
تكمل بنفس النهج ايامي وحياتي
ولهالمؤسسة البعدها امي الحنونة/ي
الك الانتما والوفا لو بتطلبي عيوني
ولرفاقي بدرب التضحية الكن تحية
ع عشرة عمر بالتأخي والمحبة حضنتوني
